ما يفضح اللي حب

ما يفضح اللي حب الا اخر اللحظات
لا مد كفه بالوداع و صد بعيونه
معلن رايات الأسف و جيش من العبرات
و بين الحنايا صهيل خيول محزونة
سلام ياللي ناوي الفرقا عدد ما فات
و تعداد ما مر السحاب و هلت مزونه
سلام من قلب سكنته انت و الحسرات
غلاي تكفى يا مودع ناظري صونه
ارحل و انا بارحل .. معي هم و تعب و سكات
و اسرار ما بيني و بين الروح مدفونه
ارحل ما دام الله كتب لك يالحبيب شتات
ما لي على حكم القدر رايٍ و لا مونه
ما لي بعدك .. إلا الصبر و مجاذب الونات
و قصيدي اللي كل خلق الله يغنونه
و ان طالت الغيبة أبانعي الحب .. لو ما مات
عسى الهوى بك يشتعل و تردك ظنونه
باحاول انسى و لو يصيح الشوق بي هيهات
و باحاول اسلى و لو يصيح القلب باهونه