منت رايــــــــــق !!

منت رايق فيك شي و متضايق
مانت في طبعك و لا هذا مزاجك
التفت لي شوي محتاج لدقايق
انا ما صدقت اشوفك و انتواجه
ودي اطفي بشوفتك نار الحرايق
ودي انسى بك ردى الحظ و عجاجه
عش معي في فرحتي و انسى الخلايق
و اسمع لرعشة خفوقي و احتجاجه
علم ما بينك و بين الما عوايق
من رحيق ازهار روضي و ابتهاجه
ليه تخفي يا بعد روحي الحقايق
يسألك قلبي دخيلك بس ناجه
وين عني شارد عنظره توايق
مانت في حالة ظلام و لا سراجه
آه ياحلوك عليك الحزن لايق
يا جعل ربي يعجل في انفراجه
جت تسائلني علامك منت رايق
قلت رايق بس ابكتب فيك حاجه